பொள்ளாச்சியில் சிறுமிக்கு பாலியல் தொல்லை கொடுத்த சித்தப்பா கைது


Source: Tamil.samayam
 Friday, February 21, 2020  03:20 PM

16 வயது சிறுமிக்கு சித்தப்பா பாலியல் தொல்லை அளித்த சம்பவம் பெரும் அதிர்ச்சியை ஏற்படுத்தியுள்ளது.

நாடு முழுவதும் பெண்களுக்கு எதிரான பாலியல் குற்றங்கள் அதிகரித்துக் கொண்டே செல்கின்றன. இதுதொடர்பாக கடும் நடவடிக்கைகள் எடுத்த போதிலும் குற்றங்கள் குறைந்தபாடில்லை. அதிலும் குடும்ப உறவுகளுக்குள் ஏற்படும் எல்லை மீறிய செயல்கள் மிகவும் ஆபத்தான ஒன்றாக பார்க்கப்படுகிறது. இந்த சூழலில் சித்தப்பா ஒருவர் மகளுக்கு பாலியல் தொல்லை அளித்த சம்பவம் பெரும் அதிர்ச்சியை ஏற்படுத்தியுள்ளது.

பொள்ளாச்சி அருகே உள்ள ஒரு கிராமத்தை சேர்ந்த 16 வயது சிறுமி கீதா. இவருடைய தாய் இறந்து விட்ட நிலையில் தந்தை கைவிட்டுவிட்டார்.

yt_middle

இதனால் அம்மாவின் தங்கையான சித்தியால் வளர்க்கப்பட்டு வந்துள்ளார். அதேசமயம் திண்டுக்கல் மாவட்டத்தில் உள்ள பள்ளி ஒன்றின் விடுதியில் தங்கி கீதா படித்து வருகிறார். இந்த சூழலில் சில தினங்களுக்கு முன்பு அவருக்கு காது வலி ஏற்பட்டதாக கூறப்படுகிறது. இதையொட்டி சிகிச்சை பெறுவதற்காக சித்தி வீட்டிற்கு வந்துள்ளார். அங்கு கீதா தனிமையில் இருந்த போது, சித்தப்பா பாலியல் தொல்லை கொடுத்ததாக கூறப்படுகிறது.

இந்த சூழலில் அச்சத்தில் சிறுமி கூச்சலிட அக்கம்பக்கத்தினர் ஓடி வந்துள்ளனர். அதற்குள் சித்தப்பா அங்கிருந்து தப்பிச் சென்றுள்ளார். இதையடுத்து பாதிக்கப்பட்ட சிறுமி அளித்த புகாரின் பேரில் சித்தப்பா மீது போக்சோ சட்டத்தின் கீழ் வழக்குப்பதிவு செய்யப்பட்டுள்ளது.

பின்னர் தீவிர தேடுதல் வேட்டையை தொடர்ந்து சம்பந்தப்பட்ட நபரைக் கைது செய்தனர். இதுபோன்ற மனித மிருகங்கள் இருப்பதால் பெண் பிள்ளைகளின் பாதுகாப்பு மீது அதிக அச்சம் ஏற்படுகிறது. தங்களுடைய குழந்தைகளை தெய்வத்திற்கு சமமாக மதித்து நடத்த வேண்டும் என்பது தான் பலரது கோரிக்கை. தற்போதைய சூழலில் சிறுவயது முதலே பெண்களை மதித்து நடக்க வேண்டும். யாரையும் துன்புறுத்தக் கூடாது. ஆபத்துக் காலத்தில் உதவி செய்ய வேண்டும் என்று ஆண் பிள்ளைகளுக்கு சொல்லி சொல்லி வளர்க்க வேண்டியுள்ளது.


yt_custom



Please login/signup then give your valuable answers


Click here to Login / Signup
Subscribe to our Youtube Channel


Twitter_Right
Insta_right
fb_right
mobile_App_right
Telegram_Side