கோர்ட்டு வளாகத்தில் போராட்டம்… காணொலிக்காட்சி மூலம் திருநாவுக்கரசு ஆஜர்

 Friday, March 15, 2019  05:08 PM

பொள்ளாச்சியில் பெண்கள் பாலியல் பலாத்காரம் வழக்கில் கைது செய்யப்பட்ட திருநாவுக்கரசு காணொலிக் காட்சி மூலம் நீதிபதி முன் ஆஜர்படுத்தப்பட்டார்..

பொள்ளாச்சியில் பள்ளி , கல்லூரி மாணவிகள் மற்றும் பல பெண்களை தங்கள் வலையில் வீழ்த்தி, பாலியல் வன்கொடுமை செய்து பணம் பறித்து வந்ததாக புகார் எழுந்தது. மேலும், இது தொடர்பான வீடியோ வெளியாகி நாட்டையே பெரும் அதிர்ச்சிக்குள்ளாக்கியது.


Vanavil NEw2
இந்த சம்பவம் தொடர்பாக கைது செய்யப்பட்டு கோவை சிறையிலிருக்கும் திருநாவுக்கரசை நேரில் ஆஜர்படுத்த சிபிசிஐடி போலீஸ் முடிவு செய்தது. கோவை மாவட்ட முதன்மை குற்றவியல் நீதிமன்ற வளாகத்தில் பல்வேறு அமைப்பினர் போராட்டம் நடத்தியதால், திருநாவுக்கரசை நீதிபதி முன் ஆஜர் படுத்துவதில் சிக்கல் இருந்தது.

இதனை அடுத்து, காணொலிக்காட்சி மூலம் திருநாவுக்கரசு ஆஜர்படுத்தப்பட்டார். திருநாவுக்கரசு படத்தை துடைப்பம், செருப்பால் மாறி மாறி அடித்த மக்கள் அதிகார அமைப்பினர் இதற்கிடையே, திருநாவுக்கரசின் வீட்டில் சிபிசிஐடி போலீசார் சோதனை நடத்தினர்.

அப்போது, வீட்டிலிருந்த பென்டிரைவ், லேப்டாப், மெமரி சிப்களை போலீசார் கைப்பற்றியதாக தகவல் வெளியாகியுள்ளது. முன்னதாக, பொள்ளாச்சி வழக்கில் திருநாவுக்கரசை ஆஜர்படுத்த உள்ளதாக வெளியான தகவலையடுத்து கோவை தலைமை குற்றவியல் நீதிமன்றத்தை சுற்றி பலத்த போலீஸ் பாதுகாப்பு போடப்பட்டிருந்தது.


Vanavil New1



Please login/signup then give your valuable answers


Click here to Login / Signup

Website Square Vanavil2