பொள்ளாச்சி விவகாரத்தில் திடீர் திருப்பம்: 4 பேரையும் காவலில் எடுக்க சிபிசிஐடி மனு!


Source: tamil.oneindia
 Friday, March 15, 2019  12:08 PM

பொள்ளாச்சி பாலியல் விவகாரத்தில் குற்றம்சாட்டப்பட்டுள்ள 4 பேரையும் காவலில் எடுத்து விசாரிக்க பொள்ளாச்சி நீதிமன்றத்தில் சிபிசிஐடி மனுத்தாக்கல் செய்துள்ளது.

பொள்ளாச்சி பாலியல் விவகாரத்தில் குற்றம்சாட்டப்பட்டுள்ள திருநாவுக்கரசர், சதீஷ் உள்ளிட்ட 4 பேரும் நீதிமன்றக் காவலில் சிறையில் அடைக்கப்பட்டுள்ளனர். இதற்கிடையே, இந்த வழக்கை சி.பி.சி.ஐ.டி.யிடம் இருந்து சிபிஐ-க்கு மாற்றிட வேண்டும் என பல்வேறு தரப்புகளில் இருந்தும் அழுத்தங்கள் வரத் தொடங்கியதையடுத்து, நேற்று இந்த வழக்கை சி.பி.ஐ விசாரணைக்கு தமிழக அரசு மாற்றி அரசாணை வெளியிட்டது.

Real_Ad7

இதற்கிடையே, இந்த வழக்கின் முக்கியக் குற்றவாளியாக அறியப்படும் திருநாவுக்கரசின் வீட்டில் சி.பி.சி.ஐ.டி போலீசார் நேற்று மாலை சோதனையில் ஈடுபட்டனர். அப்போது லேப்டாப், பென் டிரைவ் உள்ளிட்ட பொருட்களை சி.பி.சி.ஐ.டி. போலீசார் கைப்பற்றியிருந்தனர். இந்நிலையில், இது தொடர்பாக சிறையில் உள்ள 4 குற்றவாளிகளையும் போலீஸ் காவலில் எடுத்து விசாரிக்க உத்தரவிட வேண்டும் என்று பொள்ளாச்சி நீதிமன்றத்தில் சி.பி.சி.ஐ.டி போலீசார் மனுத்தாக்கல் செய்துள்ளனர்.

இந்த மனு மீதான் விசாரணை இன்று நடைபெற இருக்கிறது. அப்போது, நீதிமன்றத்தில் குற்றவாளிகள் ஆஜர்படுத்தப்பட வாய்ப்புகள் இருப்பதாக கூறப்படுகிறது.


Real_Ad5

Real_Ad8


Please login/signup then give your valuable answers


Click here to Login / Signup
Subscribe to our Youtube Channel


Real_Ad9
Real_Right3
Real_Right2
Website Square Vanavil2
Real_Ad1