நம்ம ஊரு சமையல் : சத்தான டிபன் பச்சைப்பயறு தோசை

 Friday, February 1, 2019  07:30 PM

பச்சைப்பயறில் அதிகளவு சத்துக்கள் நிறைந்துள்ளது. காலையில் பச்சைப்பயறில் செய்த உணவை சாப்பிடுவது உடலுக்கும் மிகவும் நல்லது.

பச்சை பயற்றின் நன்மைகள்:-

1) ஒரு பவுல் வேக வைத்த பச்சை பயறில் 100 கலோரிகளுக்கு மேல் உள்ளது. இவை நோய்களுக்கு எதிர்ப்பு சக்தியை அளிக்கிறது.

2) பச்சை பயறு, சருமம் மற்றும் கூந்தல் பராமரிப்பிற்கும் உதவுகிறது. பச்சை பயறு நீண்ட நேரம், வயிற்றை நிறைவாக வைத்திருக்க உதவுகிறது.

3) பச்சை பயறு உடல் எடையை குறைக்க உதவுகிறது. உடல் எடையை குறைக்க முயற்சிப்போர் சப்பாத்தி சாப்பிடும் போது பச்சை பயறை சேர்த்துக் கொள்ளலாம். இதனால் உடல் எடை கட்டுப்பாட்டுடன் இருக்கும்.

4) சரும புற்றுநோயில் இருந்து பச்சை பயறு பாதுகாப்பு அளிக்கும். அன்றாடம் வெளியில் சுற்றுவோர், பாசிப்பருப்பு அல்லது பச்சை பயறை உணவில் சேர்த்து வந்தால், சரும புற்றுநோய் ஏற்படுவதை தடுக்க முடியும்.

5) ரத்த அழுத்தத்தைக் கட்டுப்பாட்டுடன் வைக்கவும், கொலஸ்ட்ரால் அளவைக் குறைக்கவும் பச்சை பயறு பெரிதும் உதவியாக இருக்கும்.

6) அன்றாடம் பச்சை பயறு அல்லது பாசிப் பருப்பை உணவில் சேர்த்து கொள்ளும் போது உடலில் இரும்புசத்து கூடும்.


Vanavil NEw2

தேவையான பொருட்கள் :

பச்சைப்பயறு - 250 கிராம்
புளுங்கல் அரிசி - 200 கிராம்
உளுந்து - 50 கிராம்
உப்பு - தேவைக்கு
எண்ணெய் - தேவையான அளவு.

செய்முறை :

பச்சைப்பயறு, புளுங்கல் அரிசி, உளுந்து ஆகியவற்றை 2 மணி நேரம் தண்ணீரில் ஊறவைத்துக்கொள்ள வேண்டும்.

அனைத்தும் நன்றாக ஊறியதும் மென்மையாக அரைத்து, உப்பு சேர்த்து கரைத்து மாவை மூன்று மணி நேரம் புளிக்க வைத்துக்கொள்ள வேண்டும்.

தோசைக்கல்லை அடுப்பில் வைத்து சூடானதும் மாவை ஊற்றி சுற்றி சிறிது எண்ணெய் ஊற்றி வெந்ததும் திருப்பி போட்டு வேக வைத்து எடுக்கவும்.

சத்தான பச்சைப்பயறு தோசை ரெடி.


Vanavil New1



Please login/signup then give your valuable answers


Click here to Login / Signup

SNS_Sq2
Website Square Vanavil2
SNS_Sq1